லேடி சூப்பர் ஸ்டார் நயன்தாரா வரும் ஜூன் 9ஆம் தேதி இயக்குனர் விக்னேஷ் சிவனை திருமணம் செய்ய இருக்கிறார், மகாபலிபுரத்தில் உள்ள நட்சத்திர ஓட்டலில் இந்த திருமணம் நடைபெறுவதாகவும் வெளிவந்த செய்தியை ஏற்கனவே பார்த்தோம். இந்த நிலையில் இந்த திருமணத்தில் திரையுலக பிரபலங்கள் பலரும் கலந்து கொள்வார்கள் என்று எதிர்பார்க்கப்படுகிறது.
குறிப்பாக அஜித், விஜய் உள்ளிட்ட மாஸ் நடிகர்களின் பல படங்களிலும் நயன்தாரா நடித்துள்ளதால் இருவருக்கும் அழைப்பு விடுக்கப்பட்டுள்ளது, இருவரும் நயன்தாரா திருமணத்தில் கலந்து கொள்ள அதிக வாய்ப்பு இருப்பதாக கூறப்படுகிறது. அதுமட்டுமின்றி அஜித்தின் அடுத்த படத்தை விக்னேஷ் சிவன் இயக்கவிருப்பதால் அஜீத் இந்த திருமணத்தில் கலந்து கொண்டது உறுதி என்று கூறப்படுகிறது.
மேலும் கமல்ஹாசன், ரஜினிகாந்த், சூர்யா, கார்த்தி, சிவகார்த்திகேயன், விஜய் சேதுபதி, ஆகியோர் நயன்தாரா திருமணத்தில் கலந்து கொள்ள வாய்ப்பு இருப்பதாக கூறப்படுகிறது.
தமிழ் திரை உலகின் ஒட்டுமொத்த பிரபல நடிகர்கள் நயன்தாராவின் திருமணத்தில் கலந்து கொள்வது கண்கொள்ளா காட்சியாக இருக்கும் என்று எதிர்பார்க்கப்படுகிறது. குறிப்பாக அஜித், விஜய் இந்த திருமணத்தில் கலந்துகொண்டால் கோலிவுட் திரையுலகினர் ஆச்சரியத்திற்கு அளவே இல்லாமல் இருப்பது குறிப்பிடத்தக்கது.
