2013-ம் ஆண்டு வெளியான ‘ராஜா ராணி’ படத்தின் மூலம் இயக்குனராக அறிமுகமானவர் அட்லி, தனது முதல் படத்திலேயே மெஹா ஹிட் கொடுத்து ரசிகர்கள் மத்தியில் அமோக வரவேற்பைப் பெற்றார். அதனைத்தொடர்ந்து விஜய் நடிப்பில் ‘தெறி’, ‘மெர்சல்’, ‘பிகில்’ என ஹாட்ரிக் வெற்றி படங்களை கொடுத்து, தமிழ் சினிமாவில் முன்னணி இயக்குநரானார்.
அதனை தொடர்ந்து பாலிவுட் சென்ற அட்லி ஷாருக்கான் படத்தை இயக்கும் வாய்ப்பை பெற்றார். இந்தியில் அட்லி இயக்கத்தில் ஷாருக்கான் நடிக்கவுள்ள படத்தின் பணிகள் நீண்ட காலமாக நடைபெற்று வந்தன. அண்மையில் இந்தப்படத்தின் படப்பிடிப்பு புனேவில் தொடங்கப்பட்டுள்ளது. இந்தப் படப்பிடிப்பில் ஷாருக்கான், நயன்தாரா, பிரியாமணி ஆகியோர் கலந்து கொண்டனர்.
உண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ஷாரூக்கானின் ரெட் சில்லீஸ் நிறுவனம் பெரும் பொருட்செலவில் இந்தப் படத்தைத் தயாரித்து வருகிறது. இதில் ஷாருக்கான் இரட்டை வேடத்தில் நடிக்கவுள்ளார். ஒரு கதாபாத்திரத்துடன் படம் முழுக்க வரும் வேடத்தில் யோகி பாபு நடிக்கவுள்ளார். மற்றொரு கதாபாத்திரத்தில் ஷாருக்கான் ராணுவ அதிகாரி வேடத்தில் நடிப்பதாகவும் தகவல்கள் வெளியானது.
சமீபத்தில் தொடங்கப்பட்ட இந்தப்படத்தின்முதல்நாள் படப்பிடிப்பில் நயன்தாரா, ப்ரியாமணி ஆகியோர் கலந்து கொண்டனர். அதன்பிறகு கேரளா சென்ற நயன்தாரா, அங்கு அல்போன்ஸ் புத்திரன் இயக்கும் கோல்ட் படத்தின் படப்பிடிப்பில் பங்கேற்றார்.
இந்நிலையில் இப்படத்தின் டீசரை படக்குழு அதிகாரப்பூர்வமாக வெளியிட்டுள்ளது. ‘ஜவான்‘ என்று தலைப்பிடப்பட்டிருக்கும் இப்படம் 2023-ஆம் ஆண்டு ஜூன் 2-ஆம் தேதி திரையரங்குகளில் வெளியாகவுள்ளதாக படக்குழு தெரிவித்துள்ளது. அனிருத் இசையமைத்திருக்கும் இந்தப் படத்தின் டீசர் தற்போது சமூக வலைதளத்தில் வைரலாகி வருகிறது. இந்தப்படம் தமிழ், தெலுங்கு, மலையாளம், இந்தி மற்றும் கன்னடம் போன்ற மொழிகளில் வெளியாகவுள்ளது குறிப்பிடத்தக்கது.
