தமிழ் உள்ளிட்ட பல மொழிகளில் பிக்பாஸ் நிகழ்ச்சி கடந்த சில ஆண்டுகளாக தொலைக்காட்சிகளில் ஒளிபரப்பாகி மிகப்பெரிய வரவேற்பை பெற்ற ரசிகர்கள் மத்தியில் வருவது தெரிந்ததே.
தமிழ் பிக் பாஸ் நிகழ்ச்சியை பொறுத்தவரை ஐந்து சீசன்கள் முடிவடைந்து 6வது சீசன் விரைவில் தொடங்க உள்ளது. இதற்கான போட்டியாளர்கள் தேர்வு செய்யும் பணியை தொடங்கி விட்டதாக கூறப்படுகிறது.
பிக்பாஸ் தமிழ் 5 சீசன்களையும் கமல்ஹாசன் தொகுத்து வழங்கிய நிலையில் 6வது சீசனையும் அவரே தொகுத்து வழங்குவாரா அல்லது பிக்பாஸ் அல்டிமேட் நிகழ்ச்சியை தொகுத்து வழங்கிய சிம்பு தொகுத்து வழங்குவாரா? என்பதை பொறுத்திருந்து தான் பார்க்க வேண்டும்.
இந்த நிலையில் பிக்பாஸ் தெலுங்கு நிகழ்ச்சியை நடிகர் நாகார்ஜுனா தொகுத்து வழங்கிய நிலையில் தற்போது அவர் படப்பிடிப்பில் பிசியாக இருப்பதால், அவருக்கு பதிலாக நடிகை சமந்தா தொகுத்து வழங்க அதிக வாய்ப்பு இருப்பதாகவும், இதுகுறித்து அவரிடம் பேச்சுவார்த்தை நடத்தப்பட்டு வருவதாகவும் கூறப்படுகிறது. ஏற்கனவே சமந்தா ஒரே ஒரு நாள் தெலுங்கு பிக்பாஸ் நிகழ்ச்சியை தொகுத்து வழங்கியிருந்தார் என்பதும் அந்த எபிசோடுக்கு நல்ல வரவேற்பு கிடைத்தது குறிப்பிடத்தக்கது.
