what is yellow fever: மஞ்சள் காமாலை தெரியும்… மஞ்சள் காய்ச்சல் பற்றி தெரியுமா? அதன் காரணங்களும் அறிகுறிகுறிகளும்…


மஞ்சள் காய்ச்சல் என்பது ஒரு வகை வைரஸ் தொற்றினால் உண்டாகக் கூடிய காயச்சல். டெங்குவைப் பரப்பும் ஏடிஸ் வகைக் கொசுக்களில் ஏடிஸ் ஜேசிப்டி என்றும் ஒருவகை கொசுவினால் இந்த மஞ்சள் காய்சச்ல் உண்டாகிறது.

பருவ காலங்களில் குறிப்பாக, மழை மற்றும் குளிர் காலங்களில் இந்த மஞ்சள் காய்ச்சல் அதிகம் பரவ வாய்ப்பு உண்டு. இதை மஞ்சள் பிளேக் என்றும் சொல்வார்கள். குறிப்பிட்ட வைரஸால் பாதிக்கப்பட்ட ஏடிஸ் வகைக் கொசுக்கள் கடிக்கும்போது தான் இந்த மஞ்சள் ஃப்ளூ தொற்று ஏற்படும். இந்த மஞ்சள் காய்ச்சல் வெளிப்படுத்தும் அறிகுறிகள் குறித்து பார்க்கலாம்.

​அறிகுறிகள்

மஞ்சள் காய்ச்சலைப் பொதுவாக நம்முடைய சருமம் மற்றும் கண்களில் உண்டாகும் சில அறிகுறிகளை வைத்தே கண்டுபிடித்துவிட முடியும். சருமம் மற்றும் கண்கள் மஞ்சள் நிறமாக இருக்கும். இதுதான் இதன் அடிப்படையான அறிகுறி.

பசியின்மை,

காய்ச்சல்,

உடல் சிவந்து போவது,

தலைவலி,

மூட்டுவலி, தசைவலி

வாந்தி, குமட்டல்

ஆகியவை உண்டாகும்.

இது சிலருக்கு சரியாக மருந்துகள் எடுத்தால் ஒரு நாளில் சரியாகிவிடும். சிலருக்கு ஓரிரு நாட்கள் கழித்து மீண்டும் அறிகுறிகள் தென்படலாம். அவர்கள் உடனடியாக மருத்துவரை அணுகுவது நல்லது. இல்லையெனில் இந்நோய் அடுத்தக்கட்டத்துக்கு நகர ஆரம்பித்து விடும்.

​விளைவுகள்

samayam tamil

இந்த காய்ச்சலை பெரிதாகக் கண்டுகொள்ளாமல் விட்டுவிட்டால் சில கடுமையான பிரச்சினைகளைக் கூட ஏற்படுத்திவிடக் கூடும்.

கண், மூக்கு போன்ற பகுதிகளில் ரத்தக்கசிவு ஏற்படும்,

கல்லீரல் பிரச்சினைகள்,

இதயக் கோளாறுகள்,

சிறுநீரகப் பிரச்சினைகள்,

மலம் கழிக்க முடியால் சிரமப்படுவது, மலத்தில் ரத்தக்கசிவை ஏற்படுத்துவது

போன்ற தீவிர நோய் நிலைகளைக் கூட உண்டாக்கலாம்.

பூண்டை நீண்ட நாட்கள் கெட்டுப் போகாமல் சேமித்து வைப்பது எப்படி…

​எப்படி கண்டறிவது?

samayam tamil

இதற்கென தனிப்பட்ட கண்டறிதல் முறை என்று கிடையாது. பொதுவாக அறிகுறிகள் மற்றும் நம்முடைய சருமத்தின் நிற மாற்றத்தை வைத்து மருத்துவர்கள் இந்த மஞ்சள் காய்ச்சலை அடையாளம் கண்டுகொள்வார்கள்.

மஞ்சள் காய்ச்சலாக இருக்கலாம் என்று சந்தேகித்தால் ரத்தப் பரிசோதனை செய்வதன் மூலம் இதை உறுதிப்படுத்திக் கொள்வார்கள்.

​சிகிச்சை முறைகள்

samayam tamil

மஞ்சள் காய்ச்சலுக்கென்று தனிப்பட்ட சிகிச்சை எதுவும் கிடையாது. கொரோனா, டெங்கு போன்ற வைரஸ் தொற்றுக்களின் சிகிச்சையைப் போன்று தான் இந்த மஞ்சள் காய்ச்சலுக்கும் அதன் அறிகுறிகளை அடிப்படையாகக் கொணடு சிகிச்சை மேற்கொள்ளப்படுகிறது.

அதிக நீர்ப்போக்கு உண்டாகிறவர்களுக்கு நீர்ச்சத்தை அதிகரிக்கும் மருந்துகளும் திரவ உணவுகளும் பரிந்துரைக்கப்படுகின்றன.

மலத்தின் வழியே ரத்தப்போக்கு ஏற்படுகிறவர்களுக்கு அதை கட்டுப்படுத்தி காய்ச்சலை குறைக்கும் மருந்துகள் கொடுக்கப்படுகின்றன.

இப்படி அவரவருக்கு ஏற்படுகின்ற அறிகுறிகளைப் பொருத்து இதற்கான சிகிச்சை முறைகள் இருக்கின்றன.

தொடர்ந்து அடிக்கடி காய்ச்சல் வருகிறவர்கள், நோயெதிர்ப்பு சக்தி குறைவாக உள்ளவர்கள் மருவ காலங்களின் தொடக்கத்திலேயே ஃப்ளூ மற்றும் மஞ்சள் காய்ச்சலுக்கான தடுப்பூசி போட்டுக் கொள்வதன் மூலம் இந்த காய்ச்சலைத் தடுக்க முடியும்.

நுரையீரல் ஆரோக்கியத்துக்கு உதவும் 7 உணவுகள்… எப்படி எடுத்துக் கொள்ளலாம்…

​என்ன மாதிரியான உணவுகள் எடுக்கலாம்?

samayam tamil

இந்த மஞ்சள் காய்ச்சல் விரைவாக குணமாக உணவிலும் முக்கியத்துவம் செலுத்த வேண்டும்.

உடல் சூட்டை அதிகரிக்கும் உணவுகளை முற்றிலும் தவிர்க்க வேண்டும். குறிப்பாக சிக்கன் உணவுகளைத் தவிர்ப்பது நல்லது. அதற்கு பதிலாக மீன் உணவுகள் எடுத்துக் கொள்ளலாம்.

பதப்படுத்தப்பட்ட உணவுகள் மற்றும் எண்ணெய் நிறைந்த உணவுகளைத் தவிர்க்க வேண்டும்.

தண்ணீர் நிறைய குடிக்க வேண்டும். இளநீர் மற்றும் பழங்கள் நிறைய எடுத்துக் கொள்ளலாம்.

பச்சை காய்கறிகள், இலைவடிவ காய்கறிகள், கீரைகள், பீன்ஸ் வகை உணவுகளை நிறைய சேர்த்துக் கொள்ள வேண்டும்.

இந்த மஞ்சள் காய்ச்சல் ஏற்படுகிறவர்கள் சிலருக்கு பசியின்மை பிரச்சினை ஏற்படும். அதற்காக சாப்பிடாமல் பட்டினி இருப்பதைத் தவிர்க்க வேண்டும்.

எளிதில் ஜீரணமாகக் கூடிய சூப், இட்லி போன்ற உணவுகளை எடுத்துக் கொள்ளாலாம்.



Source link

Please follow and like us:
icon Follow en US
Pin Share

Leave a Reply

Your email address will not be published.

Follow by Email
Twitter
Visit Us
Follow Me
YouTube
YouTube